أنت تسأل ومصطفى حسني يجيب..." شباب وبنات "....

[size=29]

أنت تسأل ومصطفى حسني يجيب..." شباب وبنات ".... So2al_gwab-1

أنت تسأل ومصطفى حسني يجيب- شباب وبنات

انا حاسه اني معجبه بشاب بس مش بعمل حاجه تجاه هذا الاعجاب بحاول اطرد هذا الشعور هل الشعور ده ذنب عليا؟ وازاي اطرد هذا الشعور؟

طبعا لا أحد يقدر على التحكم في قلبه وأن يخرج من داخله هذا الشعور بسهولة، لأن التحكم في القلب تحكم ليس سهلا، ولهذا دائما ما نقول اننا نريد أن نتحكم في القنوات التي توصل المشاعر للقلب: التحكم في العين، الاذن، اللسان يتحكم في كل الحواس التي ُتوصل إلي القلب. فاكرين يا جماعة لما طلب سيدنا محمد صلى الله عليه وآله وسلم من امرأة انها "لا تضع" عطراً وتخرج به علي الرجال، لماذا؟ لانه لو شمها ممكن يشتهيها، وايه علاقه الشهوة بالانف" بحاسه الشم"؟ لأن هذه الانف حاسة من الحواس اللي بتوصل رساله اللي القلب. فأنظر كيف يغلق الرسول عليه الصلاة والسلام- بوحي من ربنا- قنوات تحريك القلب. فأنا هقول لحضرتك إذ كنتي معجبه بهذا الشاب والاعجاب اللي جواكي ده مش غلط لان حضرتك انسانة فأنتي من حقك ان قلبك يتحرك.
ولكن هل ممكن نسأل الاعجاب ده تم ازاي؟ هل تم انكوا اتكلمتوا مع بعض بطريقه غلط أو كنتوا زمايل في الكلية أو في الشغل مع بعض فالكلام زاد شويه فحصل اعجاب؟ لانه ممكن ان يكون الاسلوب الذي حصل به الاعجاب يكون بطريقه غلط او بطريق صح لان ممكن الانسان يشوف واحده علطول فيعجب بها فلا تقدر ان تتحكم في هذا الشعور. فالاعجاب ده في حد ذاته بدايه خطر مش بقول انه هوه نفسه خطر إلا انه بدايه علاقه حلال وجواز وربنا يسعد كل الناس. أو بدايه فتنة علي القلب فتجر لكلام وما بعد الكلام.
طيب اعمل أيه؟ ادعي ربنا ان يحفظ قلبي ويرزقني العفه ومحتاجش أبدا لحب ألا لحب الحلال لان الحب الحلال يساوي حب ربنا مبقولش ان الحب حب ربنا فقط بقول ان الحب الحلال يساوي حب ربن،ا حبي لاصحابي يساوي حبي لربنا، حبي لزوجتي يساوي حبي لربنا، حبي لشغلي يساوي حبي لربنا حبي للمسلمين يساوي حبي لربنا، حبي للخير لان كل ده يدخل تحت حب الله كما قال العلماء.
ازاي اطرد الشعور؟ لو كنتي مش في سن الزواج اطردي الشعور لانك هتعملي ايه بالشعور ده؟ هيفضل لغايه ما يصل الي طلب الفعل والفعل في غير سن الزواج يبقي مش مناسب، أما لو كنتي في سن الزواج والولد ده مش بيفكر فيكي او عمره ماصرح ليكي بحاجه أدعي ربنا انه يرزقك الخير لو كان هذا الرجل من نصيبك يبقي يارب يرزقك الخير. نصحيتي لحضرتك ولكل حد في الموقف ده أشغل نفسك بحاجه تخلي الشعور ده يقل في قلبك بحيث انه إذا جاء هذا الشاب كان بها، اما اذا لو مكنتيش في باله وراح اتجوز واحده تانيه لان ما فيش ما بينكم علاقه يبقي متجرحتيش جرح كبير وبقيتي تفكري في الموضوع لغايه ما كبر وبقي حب أشغلي نفسك بحاجه وادعي ربنا يكفيكي بالحلال عن الحرام.

عملي يفرض علي الاختلاط الشديد مع الرجال في قناة فضائية ماذا أفعل؟

لا يوجد معنى لعمل يفرض الاختلاط الشديد لكن هناك عمل يفرض الاختلاط. ممكن نختلط ونتعامل لو وجد فرض علي أن أتعامل للعمل وأنا أحتاج للعمل سأتعامل ولكن نضع لها أربعة ظوابط: غص البصر، عدم المزاح، عدم اللمس، عدم الخلوة ...تعاملت بهذه الظوابط واحسست أن قلبك سليم الحمد لله انتهى الأمر أما إذا لم تستطيعي فلابد من تغيير هذا العمل ولا يصح ان تستمري فيه لأن الرزق بيد الله سبحانه وتعالى وحافظي على قلبك أفضل.

هل إذا كنت أحب شخص في الله وهو لا يعرفني وأدعوا له كثيرا هل يخبره الله يوم القيامة أو في الجنة مثلاً أني كنت أدعوا له وأحب له الخير؟

إذا كانت السائلة بنت تحب شخص في الله فحضرتك لابد أن تحبي كل المسلمين في الله، فحبك في الله إن لم يكن بمعنى الأخوة فادعي ربنا ان ينزع من قلبك أي شيء لا يحبه هو سبحانه وتعالى وحاولي ألا تتواجدي في الأماكن التي يتواجد هذا الشخص فيها لكي لا تقع عينك عليه فتفكري به كلما رأيته وادعيله وادعي أن يرزقك ربنا زوج يكون به الخير لكي بغض النظر هو أم لا.

نفسي حد بيقولي ان الحب بعد الزواج هوه اللي صح مش اللي قبله علشان الكل بيغلطني؟

لو انتي عايزه حد يقولك ان الحب اللي بعد الجواز هو ربنا، ربنا علمنا ان الحب الحلال هو اللي يرضيه فإذا كان اختي الكريمه صاحبة السؤال تكتفي بربنا فربنا، فربنا وسيدنا محمد بيقولوا لك الحب اللي بعد الزواج اللي يرضي ربنا ورسوله و هوه ده الصح.

زائر

ربنا يكرمك يا غالية

ربنا يجعله فى ميزان حسناتك وميزان حسنات أستاذ مصطفى
جزاكى الله خيرا وشكر الله لكى

ربنا يبارك فيك ويعزك استاذنا

جزاك الله الفردوس الاعلى حبيبتى ولاء على هذا النقل

ربنا يجعله فى ميزان حسناتك

السلام عليكم ورحمة الله وبركاتة
جزاكى الله كل خير يا غالية
ربنا يبارك فيكى يارب

» مقاطع عن الحب والصحوبية للأساتذة " عمرو خالد ومعز مسعود ومصطفى حسني"
» خطب الجمعة " للداعية الإسلامي مصطفى حسني"
» أنشودة " الفجر الباسم قادم " للمنشد يحي حوا "
» لتحميل حلقات برنامج خدعوك فقالوا" الجزء الأول "
» أنشودة " افتح قلبك " للمنشد عمر الصعيدي ..بدون إيقاع