طلب فتوى مهم جدا وضرورى

سؤال من الأخت ام ياسين

السلام عليكم ورحمه الله وبركاته

كان عندى فتوى لو ممكن تجاوبنى عليها
فى واحد صاحب جوزى عنده فرقه فنون شعبيه وقال لجوزى ايه رائيك تبقى الممول بتاع الفرقه قاله ماشى
ودفعله فلوس كتير اكتر من 15 الف جنيه علما بان الفرقه دى مش فيها نساء خالص وكل ما تقدمه هو التنوره والرقص الصعيدى وكده والفرقه دى بتروح كل البلاد الصين وبتسافر كل البلاد
ودلوقتى هو قاله عاوز كمان تلات الاف حنيه ولو مش دفعتهم فلوسك كلها هتروح عليك لان الفرقه كده مش هتسافر
وسالنا دار الافتاء وشرحنا لها كل نشاط الفرقه وقالوا يجوز المشكاره فى هذه الفرقه
احنا دلوقتى مش عارفين فلوسنا كده هتكون حرام ولا ايه علما بان دار الافتاء قالت لا انا مش عارفه
مع العلم انه لو مش دفع بقاى الفلوس كل فلوسنا هتروح علينا
واسفه على الاطله بس الامر خطير

وكان جواب الاستاذ محمد عيسى

السلام عليكم ورحمة الله وبركاته
بارك الله في حضرتك اختنا الكريمه ربنا يحفظ حضرتك

ما لدي انا فأنه لا يجوز لان الاصل في التحريم هو الموسيقي وليس شرط وجود نساء فقط كراقصات فالنبي صلي الله عليه واله وسلم لم يحرم الكلمات لانها اناشيد ولكن التحريم في الموسيقي والفنون الشعبية من ضمن الاشياء التي تستخدم الموسيقي والرقص

فلدي انا لا يجوز المشاركة في هذه المشاريع لانها حرام ويجب فصل الشراكه معهم وذلك بالاجراءات القانونية لانه بالتاكيد هناك ايصالات وعقود تم التعامل معها.
هذا ما ادن به الي الله تعالي

اما بقول حضرتك ان دار الافتاء المصرية قالت يجوز انه قالت لا توجد مشكله فلو حضرتك اتبعتي دار الافتاء المصرية فلا حرج في دفع المبلغ المتبقي وذلك استنادا لقول دار الافتاء والله تعالي اعلي واعلم

لحضرتك حرية الاختيار بين الامرين بما تستشعري ان احد الاقوال علي حق

» فتوى للشيخ الالبانى عن المعازف
» فتوى: بجواز تولي المرأة منصب القضاء ورئاسة الدولة